HIMAYA'S POV
Malalim na ang gabi ngunit hindi pa rin ako makatulog. Ang isip ko ay naroon sa lalaking natutulog ngayon sa kwarto ng mga kapatid ko. Dahil malaking tao si Jude, nagpasya kaming magkakapatid na magsama sa isang kwarto para makapagsolo siya. Hindi ko maiwasang mag-alala dahil alam kong sanay siya sa malambot na higaan at kwarto na de-aircon.
Tahimik akong tumayo at tinalunton ang daan papunta sa kusina upang uminom ng tubig. Nakita kong maliwanag sa kwartong inookupa ni Jude at marahil ay ginagamit niya ang kanyang cellphone.
Napatalon ako sa gulat nang bigla na lamang niyang hawiin ang kurtina.
"Sorry, I didn't mean to startle you," saad niya nang makita ang reaksyon ko.
"Okay ka lang ba? Alam kong hindi ka sanay sa matigas na higaan. Pasensya ka na, Jude," nahihiya kong
