HIMAYA’S POV
Ang sakit! Wala akong ibang maramdaman sa mga oras na iyon kundi ang matinding sakit. Alam ko naman na hindi dapat ako umasa, pero pinaramdam sa akin ni Jude na mahalaga ako sa kanya. Pero habang nakikita ko sila ni Isabelle, hindi ko maiwasan na isipin kung gaano kami ka layo sa isa’t isa.
Si Isabelle, maganda, may mataas na pinag-aralan, sopistikada. Bagay na bagay silang dalawa ni Jude. Habang ako naman ay magmumukha lamang na isang basahan kung itatabi sa kanya.
Muling pumatak ang mga luha sa mata ko. Bumabalik sa isipan ko ang pangyayari kanina. Alam kong wala ako’ng karapatan na magalit o hindi kaya ay magselos, pero hindi ko maiwasan lalo na at masyado silang malapit sa isa’t isa. Ang sakit pa rin na hindi ko man lang siya malapitan o mahawakan. Ang sakit makita n
