HIMAYA’S POV
Napalingon ako nang marinig ko ang malakas na pagkalabog ng pintuan ngunit wala naman akong nakitang tao. Kinibit ko ang balikat ko at nagpatuloy sa pag-inom ng gatas habang nakamasid sa kadiliman ng gabi.
Ilang gabi na akong halos hindi makatulog. Paano ba naman kung sa bawat pagpikit ng mga mata ko ay sumasagi sa isipan ko ang ginawa ni Jude sa kusina, muntikan niya na akong halikan!
Ilang araw ko na siyang iniiwasan at batid kong nahahalata niya na iyon, pero wala na akong pakialam. Habang maaga pa gusto ko ng supilin ang anumang nararamdaman ko para sa kanya dahil kahit saang anggulo ko man tingnan, mali ito.
Hindi nababagay ang isang tulad ko sa kanya. Kung sa pelikula pa, langit siya at lupa naman ako. Lubhang malayo ang agwat ng pamumuhay naming dalawa. Siguro nga a
