“Baby, carbonara lang ba at saka shanghai ang gusto mo?” paulit-ulit na tanong ni Macarius sa kaniya. “Wala ka na ba talagang ibang gusto?”
“Wala na nga.”
“Kung sakaling may magustuhan ka, tawagan mo ako o ‘di kaya’y i-text mo ako agad para maisabay ko sa pinapabili mo, ha?”
“Opo.”
“I love you.”
“I love you more.”
“Babalik ako agad.”
Tumango siya. “Ingat ka sa biyahe.”
“Mag-ingat ka din dito. ‘Wag kang lalabas dahil baka mapaano ka. Humiga ka lang sa kama at diyan mo na lang ako hintayin. ‘Wag kang babangon hangga’t wala ako, ah.”
“Oo nga. Alam mo, gutom na gutom na lang kami hindi ka pa rin nakakaalis.”
“Aalis na ako.” Mariin nitong hinalikan ang labi niya ganoon din ang kaniyang tiyan. “Mahal na mahal ko kayo.”
“Mahal ka rin namin.” Habang papaalis ito ay palingon-lingon ito
