“Gusto mo bang mamasyal tayo para malibang ka?” masuyong tanong sa kaniya ni Macarius. Hindi niya ito masyadong kinakausap simula pa kahapon dahil sa natuklasan niya. “Kung ayaw mo namang mamasyal, ano ang gusto mong gawin natin?”
“Wala,” matipid niyang sagot habang nakahiga samantalang ito ay nakaupo naman sa kama kung saan saan siya nakahiga. Nagbago ang tingin niya rito simula kahapon dahil sa mga narinig niya.
Gusto niyang mag-isip ng mga masasama tungkol dito para mawala ang pagmamahal niya pero wala naman siyang maipintas sa lalaking kaharap dahil nga lahat na ng magagandang katangian ay taglay na nito at ‘yon ang nakakainis.
“Kung ganoon, matulog na lang tayo pareho.” Humiga na rin ito kagaya niya kahit basa pa ang buhok nito. Maaga kasi talaga itong naliligo at bago matulog sa
