Maagang nagising si Bart dahil sa isang masamang panaginip. Napanaginipan niya kasi ang mga nangyari sa mansyon nila Sandy at sa mga nakakakilabot na naranasan niya doon. Ang mala demonyong ngiti ng kuya ni Sandy na si Aaron at ang itim na usok na bumabalot dito. Ang pagkamatay ni Don Silvio na nasaksihan ng dalawa niyang mata na akala niya ay sa telebisyon niya lamang makikita. Hindi niya sukat akalain na makakasaksi siya ng mga ganoong pangyayari sa buhay niya. Simula kasi no’ng gabing iyon ay madalas na itong sumagi sa isip niya, kung paano umagos ang sariwang dugo sa ulo ni Don Silvio. Kitang-kita niya kung paano nito hinarang ang sarili sa anak na dapat tatamaan ng bala ng baril na hawak ni Aaron. Kitang-kita niya kung paano ito nag hingalo at bawian ng buhay. Subukan niya man itong k
