Chrylei Criox’s Pov (Knight of Shield)
Dahan-dahan kong idinilat ang aking mga mata.
At ang inaasahan kong bubungad sa akin ay ang madilim at umuulang kalangitan ngunit isang itim na kisame ang aking nakita.
Agad akong bumagon at doon ay nakita kong nasa loob ako ng isang malaki at malawak na silid.
Anong nangyari? Did I succeed in obtaining the lightning power?
Ang tanging naaalala ko lang naman kasi ay nang magsimulang tumama ang mga kidlat sa katawan ng mga bampira pagkuwa’y dumaloy iyon papunta sa kinatatayuan ko.
At pagkatapos noon ay hindi ko na alam.
“Chrylei!”
Bumaling ako sa pinto at nakita ko si Faero na agad lumapit sa akin pagkuwa’y niyakap ako.
“Mabuti naman at gising ka na.” aniya. “Nagsisimula na kaming mag-alala dahil maglilimang araw ka
