"Seriously, K? Ano ’to? Nagwala ka mag-isa kagabi? Akala ko OC ka, pero parang may dumaan na fraternity initiation dito. Anong ginawa mo kagabi?" nagtakang tanong ni Amira habang pinapasadahan ng tingin ang kalat ng kuwarto niya. Napalunok si Kenneth, pilit na pinipigilan ang kaba na bumabalot sa kanya. Habang napapatingin ng pasimple sa pinto ng closet niya kung saan pinag siksikan niya si Miggy sa loob, pakiramdan ni Kenneth parang may bomba na anumang oras puwedeng pumutok. Kailangan maitaboy na muna niya si Amira, ayaw niyang pumangit ang tingin nito sa kanya.
"Ah… well… naglinis ako, tapos napagod… tapos… boom, natulog. Pagkagising ko—magic! Disaster na. Funny, ‘di ba? Dala siguro ng kalasingan ko kagabi, imbis na mag linis ako nagkalat pa ako. Ang galing ko ano?" alanganin pang t
