Vala’s POV
Alas tres ng madaling nang tumunog ang alarm clock ko. Inaantok pa ako at ayoko pa sanang bumangon, kaya lang ay kailangan na dahil baka maiwan ako nila Alaric at Ma’am Maralica. Dito ako natulog sa isang kuwarto na katabi ng kuwarto ni Alaric. Hindi kami nagsama sa iisang kuwarto dahil ayoko. Baka kasi kung ano rin ang isipin ng parents niya. Lalo at narito ako sa mansiyon nila.
Bumangon na ako. Bilang inaantok pa ako, tumingin na lang muna ako sa buong paligid. Ganitong-ganitong kuwarto ang gusto ko. Malawak at may malaking kama. Ang sabi ni alaric kagabi, para raw ito sa isang kapatid niyang babae. Kaya lang, wala eh. Hindi raw pinalad ang mga magulang niya na magkaroon ng anak na babae. Kaya ganito na lang, ginawang guest room para sa malalapit sa buhay nila. Gaya ko, dahi
