Vala’s POV
Hindi ako pumayag na hindi kami dadaan sa malapit na hospital. Ako na rin ang nag-drive ng sasakyan dahil ramdam kong nanakit ang katawan niya. Isa pa, pakiramdam ko ay tila tinamaan din ang braso niya kanina ng mga baseball bat ng mga gagong ‘yon. Hindi talaga ako pumayag na umalis doon nang hindi dumarating ang mga pulis. Kaya nung damputin na sila ng mga pulis, doon na kami umalis para maghanap naman ng malapit na hospital. Nagpadala na si Alaric ng tauhan niya na mag-aasikaso para sa isasampang kaso sa mga hayop na lalaking ‘yon. Sinabi niya na sisiguraduhin niyang mabubulok sa kulungan ang mga ‘yon.
Narito ako ngayon sa labas ng emergency room. Nasa loob na siya at naghihintay na lang ako rito sa kung ano ang magiging result. Sinabi ko kanina sa doctor na nakausap ko na i
