EIDE
“Hindi siya pupunta sa wedding anniversary ng parents mo?” usisa ko nang tapos na siyang makipag-usap.
“Yeah, but I told her that I’d pick her up so she could make it to my parents’ anniversary.”
Tila may kumurot sa puso ko dahil sa sagot niya. Tumango na lang ako at muling tinuon ang atensyon sa pagkain.
“Bago tayo umuwi, bumili muna tayo ng dress mo.”
“Para saan?” tanong ko. Nanatiling nakatuon ang atensyon ko sa pagkain.
“Gagamitin mo sa party.”
Bumuntong-hininga ako. Kahit tumanggi ako, ipipilit pa rin niya.
“Pwede ko bang isama si Betsy?” Kung hindi siya ang susundo sa akin at pagdating niya ay kasama pa niya ang long lost friend niya, malamang, wala akong makakausap doon. Kaya mas mabuting isama ko na lang si Betsy para hindi ako ma-out of place sa party, at para
