EIDE
Kinabukasan, nagising ako dahil sa sinag ng araw na tumatama sa balat ko. Ibig sabihin, hindi na umuulan dahil may araw na. Kinurap-kurap ko ang mata ko. Nang luminaw sa paningin ko kung saan nagmula ang sikat ng araw, kaagad nagliwanag ang mukha ko. May nakabukas na bintana at balkonahe, kaya ang unang sumagi sa utak ko ay tumakas.
Nilibot ko ang paningin sa loob ng silid at hinanap si Trav. Lalo akong nakahanap ng pagkakataon na takasan siya dahil hindi ko maramdaman ang presensya niya sa loob ng silid. Inalis ko ang kumot sa katawan ko bago bumangon. Pero hindi pa ako nakakaalis sa kama, narinig kong bumukas ang pinto sa banyo.
Mabilis akong bumalik sa kama at binagsak agad ang katawan ko dito, saka nagkunwaring natutulog. Sana lang ay hindi niya narinig ang langitngit ng hig
