XANTINA
“You are insane,” saad ko at mabilis na lumabas ng sasakyan. Iniwan ko sa upuan ang ice cream na kinakain ko. “Go home.”
Mabilis na akong pumasok muli sa gate. Hindi ko na nilingon si Yohan. Hindi ko na nga siya dapat binaba pa. Ayaw kong maging siya ay magiging sakit din ng ulo ko. Siguro kailangan ko na talaga siyang iwasan mula ngayon.
It was my fault. Binalak ko siyang gamitin dati para makaganti ako sa Mommy niya. Pero ngayong ayaw ko nang ituloy ang unang plano ko, mukhang siya naman ang walang plano na lubayan ako.
Gusto kong batukan ang sarili ko. Pumatol ako sa lalaking mas bata sa akin, sa bestfriend ng kapatid ko at anak ng babaeng pinaghihinalaan kong kabit ng ama ko.
Pinilit ko nang matulog nang makabalik ako sa kwarto ko. Ayaw ko nang dumagdag sa isipin ko si Yoh
