XANTINA’S POV
Umalis nga ang kapatid ko patungong Cebu, pumayag naman siyang dito muna ako tumuloy pansamantala habang wala siya.
Ayaw ko munang umuwi sa bahay. Hindi rin tumatawag sa akin kahit na sino kay Mama at Papa na para bang wala silang pakialam kung nasaan na ako. Si Mama, kahit kailan, hindi talaga niya ako tinatawagan at tinatanong maliban na lang kung may kailangan siya. Kaya siguro kahit magtagal ako rito, walang maghahanap sa akin.
Ang problema ko lang ay iilan ang damit ko rito sa condo ni Xander kaya kailangan ko pa ring umuwi saglit para kumuha ng damit at mga gamit ko kaya wala pa rin akong choice.
Naligo ako at nagbihis. Tinatamad akong magluto kaya sa labas ako kakain ng lunch, pagkatapos ay saka ako pupunta ng bahay para kumuha ng mga damit at gamit ko. Kukunin ko
