“Ikaw din ang dahilan kung bakit inatake sa puso ang ama ko.”
Nawalan ng kulay ang mukha ni Pablo nang marinig ang sinabi niya.
Gumuhit ang mapang-uyam na ngiti sa mga labi ni Cazcoe. “You told my father that I was having an affair with your wife. Sinabi mo sa kanyang mag-ieskandalo ka at sisirain mo ang reputasyon ng pamilya namin.”
Namuo ang pawis sa noo nito. “Mr. Vizcarra, bigyan mo ako ng pagkakataong magpaliwanag—”
“Ano pa ang kailangan mong ipaliwanag? You did what you did because you wanted to get me out of your house. Plinano mo talagang biglain ang ama ko sa kasinungalingang hinabi mo para mapilitan akong iwanan si Caridad. Gusto mong sa paggising ni Cari ay ikaw ang nasa tabi niya para isipin ni Cari na ikaw ang nakatalik niya.”
Napalingap sa paligid si Pablo. Tumakbo ito
