Tahimik lamang si Aya hanggang sa sasakyan nang makabalik siya. Binalikan niya pa kasi at hindi na ako sumama pa. Galit siya at hindi ko alam kung ano ang gagawin kaya nanatili na lang ako rito sa sasakyan. Hindi ko alam kung ano ang tumatakbo sa isip niya. Malayo ang kaniyang tingin kaya natatakot akong magsalita. Hinugot ko ang lakas ko at tiningnan siya.
“A-Aya, galit ka ba?” tanong ko. Lumingon naman siya sa ‘kin at huminga nang malalim.
“Hindi ba sinabihan na kita noon? I told you no one is allowed to bully you. Ano ‘yon kanina? Kailan mo balak sabihin sa ‘kin na ganoon ang trato nila sa ‘yo?” tanong niya. Kababakasan ng galit ang boses niya.
“K-Kasi, kaya ko naman eh. I can handle them. T’saka naiintindihan ko rin naman ang nangyayari. Kung sosobra pa roon hindi na rin naman ak
