Suna's POV:
"Ate Suna, kain ka na po oh. Tinirahan ka po namin ni Orange ng binili mo pong lugaw kanina. Alam po namin na gutom ka na," alok sa akin ni Apple.
"Hindi na Apple, ubusin niyo na iyan. Busog pa naman ako. Saka ano ka ba, para sa inyo iyan kaya ko binili. Ubusin niyo na magkapatid," nakangiti kong sabi at ginulo ang buhok ni Apple.
"Please Ate Suna, kainin mo na po. Napapansin po naming namamayat ka na. Isang linggo pa lang po tayong nandito sa ospital mas namayat ka na po kay Lola Fe. Please po tinira po namin iyan para sa 'yo. Ayaw po namin na pati ikaw po ay magkasakit. Please po Ate Suna," malungkot na pamimilit sa akin ni Orange.
Napabuntong hininga na lamang ako at walang nagawa kung hindi tanggapin ang lugaw. Nagtitipid kasi ako at dalawang beses na lang kung kumain s
