Lumipas pa ang mga araw at naging maayos naman ang aming pamilya. Masigla na ulit si Aerielle, at bumalik na ang kadaldalan nito. As of my biyenang bruha, hindi pa ulit ito nagpapakita simula nang huling bisita nito sa bahay namin. Well, okay na okay naman sa akin iyon dahil wala ng kontrabida sa aming tahanan. Kagaya ng katahimikan sa aming tahanan, tahimik din ngayon ang BSC. Kaya naman marai kaming oras para magkuwentuhan.
“Hello world!” Magkasabay pa kami ni Thummy na napalingon sa entrada ng Cafe nang marinig namin ang tinig na iyon.
Ngiting-ngiting mukha ni Shenny ang nabungaran namin habang naglalakad itong palapit sa amin. Himalang may kasama itong lalake ngayon, at nakaabrisyete pa ito sa lalake. Ano kaya niya ang kasama niya? Nagkatinginan kami ni Thummy at sabay pang napakibi
