KAEL FELT A GENTLE tap on his shoulder. Pero hindi man lang siya nag-abalang tingnan ito. Nakatungo lamang siya habang hawak-hawak niya ang mamahaling wine. Malalim kasi ang iniisip niya at medyo may tama na siya. Kahit nga ang maingay na tugtog sa bar ngayon na kinaroroonan nila ni Arthuro ay halos hindi niya naririnig.
Si Arthuro na kainuman niya ang biglang tumayo saka umalis.
Hindi pa rin niya pinansin iyon. Sa isip niya ay baka nakakita na naman si Arthuro ng sexy na isasayaw.
"What's up?" pero nang marinig na niya boses na ni Kuya Kurt niya ay napalinga na siya.
Kurt gave him a vague smile. Ito na ang pumalit sa kinauupuan ni Arthuro. He leaned on the table as he clasped his hands. Makikitang ready na ito sa mahabang usapan.
"Doon muna ako, mga sir," paalam na ni Arthuro. Hindi
