SA mismong rest house na 'yon ay nagsimulang mag-set up ang mga staff para sa gagawing taping ng pelikula pagkatapos naming kumain ng breakfast. Kunot na kunot ang noo ni Eionn habang paulit-ulit na tinatawagan ang ka-love team ni Dale. Pinapanood ko lamang ang bawat galaw niya at paminsan-minsan ay napapangiti dahil hindi na maipinta ang kanyang mukha.
Ganito pala siya magseryoso sa trabaho, huh? Kunot na ang noo at halata na ang pagkairita sa mukha pero hindi ko maitatangging g'wapo pa rin ito. . .
“Mukha lang maloko si Eionn pero alam mo ba na sobrang focus niyan kapag oras ng trabaho?” sambit Dale na nagsalita mula sa likuran ko.
Nilingon ko ang kaibigan ni Eionn. Kumpara kanina ay may kaunting make up na ang kanyang mukha. Ni hindi ko alam na isa pala siyang artista at sikat na si
