Allison Cassandra Dawson
“Maraming salamat, Miss Cassandra, mauna na po muna kami!” masayang sabi sa akin ni Jenny bago tumalikod at sumakay sa kanilang sasakyan dahil ihinatid ko sila dito sa pinag parkingan nila kasama si Aurelios.
Hinintay ko muna silang makaalis bago ako tumalikod at sa pag talikod ko ay sumalubong sa akin ang mga mata ni Aurelios.
“Bakit?” tanong ko agad sa kaniya dahil mukang seryosong seryoso ito.
“Kapag ba nahanap mo na ang ina mo, lalayo ka na sa akin?” seryosong tanong niya.
Nakaramdam naman ako ng kaba, bakit ba naman kasi bigla bigla na lang siyang nag tatanong ng ganito.
“Hindi, bakit naman kita lalayuan? Hindi ba’t tutulongan pa kita,” nakangiting sabi ko sa kanya.
Unti unti kong nasilayan ang kanyang ngiti pag kasabi ko nang bagay na yun sa kanya.
