Matagal niyang tinitigan ang bata at ang lalaki. Magkamukha sila.
"Tita sino po ang lalaking nasa locket at yung bata?" wala kasing baby picture ang dalaga kaya hindi niya alam na ang picture ng bata ay siya.
"Bakit hindi mo muna basahin ang nilalaman ng sulat na iyan, anak."
Nanginginig ang mga kamay ng dalaga habang hawak hawak ang dalawang papel na nakapaloob sa envelope. Tahimik niya itong binabasa. Maya't maya lamang maririnig mo na ang impit ng pag iyak nito. Hanggang sa napahagulhol na lamang ito. Ramdam mo ang sakit hindi dahilan sa pagka baril dito kundi dahil sa anumang mensahe ang nabasa nito sa sulat. Nakahawak ang kanyang kamay sa kanyang bibig at yumuyugyog ang mga balikat nito. Parang gripong bumuhos ang mga luha ng dalaga. Awang awa naman sa kanya ang mag asawa.
