Nasa ginagawa kong plate ang buo kong atensiyon kaya hindi ko agad narinig ang pagtawag sa akin ng isa sa mga kasamahan ko. Kung hindi niya pa ako nilapitan at kinalabit, hindi ko pa mapapansing nag-aayos na ang iba naming mga kasama ng kanilang mga gamit.
“Sa Lunes na ’yan,” sabi ng katabi ko sa kabilang cubicle. Tinuro niya pa ang wristwatch niya. “Uwian na.”
Binitiwan ko na rin ang ginagawa ko at isinalansan ang aking mga gamit. I thought of bringing the unfinished plates home para sana doon tapusin pero naalala kong wala nga pala akong dalang sasakyan today. Ang hirap mag-commute na maraming dala. Even without the work, marami na nga agad akong dala.
“Makikisabay ka ba sa amin ngayon sa van?” Ang tinutukoy niya ay ang free company van na ginagamit ng kumpanya namin para maghatid sa
