"Monique, matulog ka kaya muna o 'di kaya'y humiga ka muna sa kuwarto ni Kuya. Ang sabi niya kasi sa akin ay baka matagalan daw siya, eh."
Ngayon kasi ang schedule ng ultrasound niya kaya ang sabi sa kaniya ni Ivan ay hintayin niya raw ito dahil may pupuntahan lang daw ito sandali.
"Akala ko ba sandali lang siya?"
Nagkibit-balikat ito. "'Yon din ang sabi niya sa akin kaya lang nagkaroon daw ng kaunting problema kaya mali-late siya ng kaunti."
Tumango na lang siya. "Ate Yna, umuuwi ka pa ba sa bahay niyo? Napapansin ko kasi na madalas kang nandito sa bahay ni Ivan, eh."
"Naiinis kasi ako kay Ethan kaya sinabi ko kay Kuya na dito muna ako titira pansamantala."
"Hindi po ba nagtataka ang mga anak niyo na hindi na kayo umuuwi? Huwag niyo na lang pong intindihin si Kuya Ethan, ang isipin
