ANASTASIA'S POV:
Nagpunta lang naman ako sa bahay ng Tiyahin ko upang sana ay dumamay, ngunit hindi ko naman akalain na mamasamain nila ang pagdating ko.
Naabutan ko sina chairman kasama ng ilang tanod na nakikipag-usap kina Tiyang at sa aking mga pinsan.
Awang-awa ako sa hitsura ni Aurora ng makita ko ito. Kalunos-lunos ang hitsura niya' puro pilas ang suot niyang dress, gulong-gulo at nagkanda buhol-buhol ang mahaba niyang buhok at talaga namang sobrang dungis ng kanyang hitsura.
Aakalain mo talagang siya'y pinagsamantalahan dahil sa kanyang hitsura.
Sino ba ang mag-aakala na mula sampu, bumaba hanggang apat, naging dalawa, naging isa hanggang sa inamin niyang wala naman pala talagang gumahasa sa kanya. Laking pagkadismaya ni chairman ng mga sandaling iyon, sila'y umalis kasama
