"PUPUNTA KA ba sa party mamaya sa bayan?" tanong ni Franco sa kaniya habang kumakain sila ng mangga na dala nito. Nasa tabing ilog silang dalawa ay masayang kinakain ang dala nito.
"Hindi ko alam. Wala naman kasi akong kakilala roon. Ikaw lang ang kaibigan ko rito, di ba?" Sinawsaw pa niya ang mangga na hawak sa asin na may paminta at sili. Ninamnam niya ang asim at linamnaman niyon.
"Pupunta naman ako roon, ah. Kaya may makakasama ka," anito saka kumuha ng mangga. Pati ito ay kumain na rin. "Ipapakilala kita sa mga kaibigan ko na taga-Bayan. Makakasundo mo sila panigurado."
"Nakakahiya naman. Hindi naman ako imbitado roon, e tapos pupunta ako." Totoong nahihiya siya dahil wala siyang kilala roon at tanging si Franco lang talaga. Umiling ito saka tumawa. Bakas sa mukha nito ang malokong
