"ALAM MO BA ang bagay na gustong mangyari ni Franco, Amelia?" tanong niya sa pinsan habang nandito sila ngayon sa kaniyang silid. Hindi sila pwedeng mag-usap sa labas dahil nandiyan na ulit ang kaniyang mga magulang. Mahirap na at baka malaman pa nito na nakabalik na ang kaniyang alaala.
"Alin?"
"Ayaw na niyang magpatulong sa atin para ma-reincarnate siya. Ano bang nangyayari sa kaniya?"
Nag-iwas ito ng tingin saka nagkibit ng balikat. "Hindi ko alam. Ang alam ko lang ay ayaw na niya magpatulong. Yung dahilan niya, hindi niya nababanggit sa akin."
Tila napaisip naman siya saka seryosong tiningnan ang pinsan. "Sigurado kang wala kang alam, Amelia?" Duda siya rito.
Ngumiti ito. "O-oo naman. Alam mo, Charlotte, tanungin mo na lang siya kung gusto mo talaga malaman. Kasi kapag ako ang n
