KASALUKUYANG NAG-UUSAP sina Charlotte, Olivia, Elijah at Amelia habang nakatambay sila sa garden. Kaninang umaga ay nagtungo sila sa barangay hall at nagtanong ng mga bagay tungkol kay Franco. Si Franco ay nakatayo lang sa kaniyang gilid at nakikinig sa usapan nila.
"Mukhang mahihirapan tayo humanap ng mga impormasyon tungkol kay Franco. Isa lang ang tanong ng mga tao sa atin. Ano ang apelyido niya?" ani Elijah habang nakasandal sa silyang gawa sa bakal.
Tinapunan niya ng tingin si Franco at sakto namang dumapo rin sa kaniya ang paningin nito. Umiwas ito nh tingin. Siya naman ay nilaro ang ballpen na hawak sa daliri habang nakatukod ang siko sa armrest ng silya. Ang dulo ng ballpen at tinapat niya sa sintido at pinanghilot.
Sa totoo lang ay sumasakit na ang kaniyang ulo. Nauubusan na ri
