"ANG SARAP NAMAN ng niluto mong Bico, Manang Isa. The best talaga ito!" ani Franco habang masayang kumakain ng nilutong kakanin ng kasambahay.
Napangiti rin si Charlene habang pinagmamasdan itong kumakain. Alam niyang iyon ang paborito nitong pagkain sa lahat kaya naman iyon talaga ang pinaluto niya. Parang bata si Franco na ninanamnam pa ang maraming latik sa ibabaw ng Bico na nasa pinggan.
"Naku, binola mo pa ako. Marami pa riyan. Kapag gusto mo pa ay ikukuha pa kita," sagot ng matanda habang pinagsasalin sila ng malamig na tubig sa mga baso. Inilapit iyon ni Manang Isa sa tabi ng mga pinggan nila.
"Thank you po." Bakas ang kasiyahan sa mukha ni Franco habang siya ay napapailing na lang.
"Magdala rin kayo nito mamaya kapag naisipan ninyong pumunta sa tabing ilog para may miryenda ka
