-------
***Melody's POV***
-
Nangangatog ang tuhod. Nanginginig ang buong katawan ko, pati na ang dila ko, kaya hindi ko makapagsalita. Dahil sa nanghihina ako kaya napaupo ako sa sahig. Dalawang upuan lang ang nandito sa bahay ko at ang mga magulang ko ang naupo doon. Naninikip ang dibdib ko sa nalaman. Tuluyan nang napatulo ang luha ko.
Wala na ang kakambal ko. Wala na si Melany. Kaya ba hindi ako mapakali sa mga nakalipas na araw? Kaya ba parang lagi akong kinakabahan? Kahit hindi maganda ang nangyari sa aming dalawa ni Melany, kahit pinagplanuhan nya ako ng hindi maganda, at kahit pa nalaman ko na tina- traydor lang nya pala ako, pero kapatid ko pa rin sya. Hindi lang basta kapatid, kakambal ko si Melany, iisa lang ang pinanggalingan naming dalawa. Laging may invisible na tali na
