Agad naman ako binalingan ng lalaking si Ivan m, akmang hahawakan ako sa braso ngunit tinabig ko iyon ng malakas.
"Ano ba!" sikmat ko at muli binalik ang mahigpit na hawak sa bathrobe na suot ko. Pinilit ko makatayo mula sa pagkasalampak sa tiles ng banyo. Humawak ako sa bathub at alalay na tumayo. Ngunit ang tauhan ni Elvis na lalaki ay mapilit at hinawakan pa rin ako sa braso upang alalayan nito. Nagkatinginan kami nito, ilang minuto hanggang sa hayaan ko na itong alalayan ako. Nakatayo ako at nakalabas ng banyo. Bumungad sa amin ang ilang tauhan ni Elvis at ilang katulong sa loob ng kuwarto ko na kapapasok lamang sa silid ko.
"Anong nangyari rito?" mahinang tanong ng Lola ni Elvis nang makapasok rin sa kuwarto ko.
Naupo ako sa malambot na kama at dama pa rin ang pananakit ng tuhod
