Itinigil ko sandali ang kotse sa gilid ng daan. Mahigpit ang aking hawak sa manibela. Pinipilit kong kumalma. Kung ipagpapatuloy ko kasi ang pagmamaneho'y baka maaksidente na ako. Nanlalabo ang aking paningin dahil sa mga luha na ayaw tumigil.
Huminga ako nang malalim at saka pinunasan ang mga luha. Nang maayos na'y nag drive na ako pauwi sa bahay. Dumiretso ako sa kusina para kumuha ng tubig. Mariin akong pumikit at sumandal sandali.
Hindi ko na alam ang gagawin ko. Hindi ko matanggap ang mga nangyayari ngayon. Magkakaanak na si Van kay Yna. May bata nang madadamay. Kailangan ko na siyang palayain. Mahirap na lumaban. Kailangan ko na umalis sa buhay nila. Ayokong lumaki ang baby ng walang kinikilalang ama.
Kaya kahit nahihirapan ako, iiwanan ko na si Van. Tatapusin ko na 'to. Hindi ko
