First Person POV
"Oh my God! Chance, nakabalik ka na!" tili ni Eunice, isa sa mga kaklase ko noong makita ako na papasok ng room namin.
Nahinto ako sa paglakad at nagsilingunan naman ang mga iba pa naming blockmates sa gawi ko.
Need ko bang mag-say hello?
Napakurap-kurap ako at nayakap ko nang mahigpit ang librong hawak ko noong tila matauhan ang mga ito dahil halos nagsitayuan ang lahat para lapitan ako.
"What happened to you, girl?"
"Ayos ka na ba talaga?"
"'Buti nakapasok ka na?"
"'Di ka man lang namin nadalaw."
"Kinabahan kami, akala namin 'di ka na namin makikita dahil ang tagal mo ring 'di nakapasok."
"Wala kaming makuhang impormasyon kung saang ospital ka naka-confine at kung ano ba ang lagay mo."
Halos magkakasabay na tanong at salita ng mga kaklase kong nakapalibot na s
