Chapter 20
~Vince Castro alyas Boy Takbo~
Nagising ako na wala na si Freya sa tabi ko. Sa pagkaka-alala ko kasi ay katabi ko siya matulog, o baka nananaginip lang ako. Sana nga ay nananaginip lang ako dahil ang natatandaan ko ay sinabihan ko siya ng “I love you” at niyakap ko pa. Iyon kasi ang nararamdaman ko sa mga sandali na yun. Parang nai-in love na ako sa amo ko. Sa 21 years kong nabubuhay sa mundo, ngayon lang yata ako nakaramdam ng ganito. Kakaibang pakiramdam. Para akong nananaginip nun, kasama ko raw ang nanay ko, hindi ko makita ang mukha niya pero biglang dumating si Freya, at dahil panaginip lang naman ay nilubos ko na. Sinabi ko na ang gusto kong sabihin at sinamantalang pwede ko siyang yakapin.
Nang mag-isa akong nagising sa napakalaki at lambot na kama, medyo masakit ang
