Bihira nalang kung makapagpahinga nang walang iniinda o walang pinoproblema sina Patricia, Stephanie at Jennifer. Magmula noong umuwi sila sa Pilipinas dahil sa nabalitaan nilang pagpapakasal ni Rui at Leyla, hindi na sila masyadong napapaisip dahil nagsisimula pa lamang ang malaking unos ay nasosolusyunan na kaagad ng dalawa. Pagdating sa mabilisang pagreresolba, walang problema, kayang kaya naman nila talaga basta mapag usapan at ma- plano nila nang maayos. Isa sa mga inaalala nila ngayon ay ang gulo na nangyari dahil sa mga larawan na kumakalat online.
Ilang larawan lang ng tatlo na magkakasama doon sa palengke, hindi na magkamayaw ang mga tao. Parang pelikula kung subaybayan nila ang bawat post online, lahat ng mga nakakita, lahat ng may gustong sabihin at lahat ng may kahit na anong
