"Dito tayo pupunta?" mangha na tanong ni Patrish kay Theo Drix paghinto ng kotse nito sa isang boutique shop. Binasa niya ang karatula "Helena's Creation," sa labas pa lamang nagbabadya na nang karangyaan sa laki nito.
"Yes," sagot nito sa kaniya at pagkatapos ay mabilis na nag-alis ng seatbelt bago bumaba ng sasakyan at umikot sa gawi niya.
Hindi makapaniwala si Patrish, matagal na niya rito gustong bumili ng formal dress 'yon nga lang nasasayangan siya sa pera dahil sa mahal ng damit dito.
Hindi sa pagtitipid katunayan nga lahat ng mga damit niya ay branded at halos lahat sa mall niya binili, pero mas hindi hamak na doble ang presyo rito sa Helena's Creation.
Kung hindi siya nagkakamali sikat itong bilihan ng ibat-Ibang klase ng gown, at mayroon din mga pang-casual, marami rin mga ki
