"Hoy!" untag sa'kin ni Lou na naabutan akong tila patulog na habang nakatutok sa aking laptop.
"Ay, hey, Lou. Bakit?" usisa ko. Ni hindi ko man lang namalayan ang pagpasok nito.
"Dumating na sila Wendy at Pritz ba 'yon? Hinahanap ka nila kaya naisipan kong daanan ka rito sa office mo."
Agad naman akong napatayo at napasapo sa aking nakaawang na bibig. Nakalimutan kong ngayon nga pala sila magpa-finalize ng lyrics nila. Masyado ako nabusy sa preparation ng MV shooting ni Venice bukas.
"Oo nga pala. Salamat, Lou."
"O siya, mauna na ako. Papuntahin ko na lang ba sila rito?"
"Yes, please," sang-ayon ko naman na may halong pakiusap. Mas magiging abala pa ngayong araw na ito.
"Tsk. Natutulog ka pa ba? Matulog ka naman, halatang pagod ka," paalala pa nito sa nito bago lumabas.
Napaupo
