MALAKAS na napatili si Thalia nang mapag–buksan ang nilalaman ng delivery item na nakapangalan sa kanya. Nanginginig ang buong katawan na nabitawan niya ang kahon.
“Hija, bakit?” nag-aalalang tanong ni aling Juanita pero maging ito man ay napatda nang makita ang bagay na iyon. “Diyos ko! At sino naman ang walang magawa sa buhay na nagpadala n’yan sa'yo?”
Namumutlang napailing na lang si Thalia. Wala siyang naging kagalit o kaaway para padalhan siya ng patay na duguang pusa. Subalit ang higit niyang ipinagtataka ay nakasulat sa maliit na papel.
Pero bakit? Anong dahilan? Bakit may nagbabanta sa buhay niya? Siya? Siya na ba ang isusunod ng taong walang awang pumatay sa kawawang pusa sa loob ng kahon? Ngunit anong kasalanan niya? Mali ba ang magmahal at mahalin ng isang tulad ni Michael?
