“Your name?” tanong sa ‘kin ni Sydney.
“Aryan,” sagot ko rin sa kanya kaagad habang sinasalubong ko ang kanyang tingin.
Siya ang napunta sa grupo naming artista. Ibang-iba pa rin ang hitsura niya sa personal, kung mayroon talagang buhay na mannequin siya ‘yon. Isama pa nga na mahilig siya sa kulay puti kaya lalo siyang nagmukhang anghel. Ang kutis niya’y maputi na pinkish katulad ng labi niyang maganda rin ang pagkakahugis at ang tangos ng ilong niya’y bagay na bagay rin sa kanyang hitsura lalo sa hugis puso niyang mukha. Siya ang pinakasikat na Boy’s love artist, pero marami na rin siyang ginanapan na hindi naman tungkol sa boy’s love pero madalas siyang maimbitahan sa iba’t ibang bansa para maging cast kasama ang mga kilalang artista sa international.
“Tumayo ka,” utos niya. Sabi nil
