Imaculate's POV:
"Impostor ka! Ginaya mo ang mukha kong babae ka!" Hindi makapaniwalang sigaw ko.
Nakangisi siya sa akin habang may hawak-hawak na patalim. Rinig ko rin ang pagsinghap ng mga kasama ko dahil sa gulat at hindi makapaniwala.
"B-Bakit magkamukha kayo? Imaculate?" Naguguluhang tanong ni Slick.
"H-Hindi ko rin a-alam. Baka nagkataon lamang ito." Sagot ko.
"Alam niyo ba kung sino ang mga humahabol sa inyo?" Nakangising tanong ng babaeng kamukha ko.
Napakunot naman ang noo ko. Ibig sabihin, may koneksyon siya sa kanila? Paniguradong parte itong lahat ng misyon. Magtataka pa ba ako?
"Sabihin na natin na, kami ang mga minamahal at pinagnanasaan niyo. Nakakaramdam kayo ng pagnanasa sa amin kaya nabuo kami sa inyong isipan. Ngayon, ibibigay namin ang pagnanasang gusto niy
