NEZZIE JANE
Anong oras na kami nagising ni Wookie after naming matulog ulit kanina. At siyempre mas napasarap ang tulog ko dahil katabi at yakap niya ako the whole time. Kung hindi pa ako nagising at nakaramdam ng gutom ay hindi pa ako babangon sana. Dahil do'n ay napilitan na ring gumising si Wookie at nagpaluto ng tanghalian namin. At as usual balik na naman kami sa normal. Parang wala na naman 'yong nangyare kanina kung saan nahuli niya akong nakanguso sa kanya. At sinabi nitong gusto ko siyang halikan. Nawala yata sa isip nito iyon pero tiyak ako na muli na naman nitong ikakantyaw iyon sa mga susunod na araw 'pag naalala nito. Mabuti na lang din at nawala sa isip nito kung hindi ay baka hindi rin ako mapakali at hindi rin ako makakilos ng normal ngayon dahil sa pinaggagawa kong iyon.
