Dianna's POV
TANGHALI na nang nagising si Dianna, nag-enjoy siya, masyado kagabi sa munting kasiyahan dito sa isla. Nakipagkantahan at sayawan siya sa mga taga-rito. Pangunahing hanap-buhay ng mga tao rito ay pangingisda, pagtatanim at pag-aalaga ng hayop. Para sa kaniya isang napakagandang paraiso ang isla na ito. Hindi naman salat sa kabuhayan ang mga tao rito, simple pero masagana ang kanilang pamumuhay. Mabilis siyang naligo at balak niyang sa restaurant kakain mamaya, may nakapagsabi kasi sa kaniya kagabi na masarap ang almusal ng nasabing restaurant na malapit lang sa tinutuluyan niyang pension house. Pero may napansin siyang kakaiba sa pakikitungo ng mga tao sa kaniya kagabi, tila ba matagal na siyang kilala ng mga ito, kahit ni isa walang nagtanong kung ano ang pangalan niya, n
