"SIGURADO ka bang hindi mo na itutuloy ang kasal ninyong dalawa ni Isabella?" tanong niya kay Rome habang kumakain sila sa isang restaurant hindi kalayuan sa hotel na tinuluyan nila kagabi.
"Panglimang tanong mo na sa'kin 'yan, Kylie at panglimang sagot ko na rin na oo."
"Gusto ko lang kasi makasiguro. Baka namamali ako ng rinig. Isa pa ayoko rin kasi magkaroon ng gulo sa pagitan ninyong dalawa."
"Ang tanong, gusto mo bang ituloy ko ang kasal namin?"
Ngumuso siya. "Hindi. Pero kung pipiliin mo pa rin siya pagkatapos ng nangyari sa atin kagabi, wala na akong magagawa."
Pinisil nito ang tungki ng ilong niya. "Wala na akong balak na ituloy ang kasal namin. Honestly, balak ko rin kausapin si Isabella pagkatapos ng party na huwag na lang namin ituloy ang kasal. Lalo lang akong natulak na g
