"Anong alam mo tungkol sa asawa ng T'yang Carmen ko?' Tanong nito sa kanya habang nakatingin sa mga mata niya.
Kanina pa niya napapansin ang lungkot at pagod sa mga mata ni Liyah. Ramdam niya na may pinagdadaanan ito, at sana na lang ay hindi pa huli sa kanya ang lahat para tulungan ito. Kung bakit naman kasi kailangan pa nitong magmatigas sa kanya at tanggian ang kanyang alok. Kung sana pumayag na ito ay may karapatan na siyang alagaan ito. Yes, nais niya itong alagaan, nais niya itong protektahan, lalo na ngayong kung anu-ano ang kanyang nalalaman tungkol sa kamag anak na tinutuluyan nito.
Patuloy pa rin ang pagpapa imbestiga niya kay Liyah at sa mga taong nakakasalamuha nito, lalo na sa bahay na tinitirhan ng mga ito, kaya alam niya ang bawat nangyayari sa bahay ng tiyahin nito. Nakar
