GWEN
Nagising ako sa malakas na tunog ng cell phone ko. Mabigat ang ulo kong binaybay ng kamay ko ang side table para hagilapin ang nag-eeskandalo kong telepono at halos pikit pa ang mga matang tiningnan ko kung sino ang tumatawag.
Anak ng... really? Alas-singko ng madaling araw? Ilang oras pa lang akong nakakatulog!
"Zack Ferguson Calling" ang nasa screen.
Pikit pa ang mga mata ko nang sumagot.
"Good Morning. Napatawag po ka-?" namamaos ang boses ko.
"I need you to be here at my condo at exactly 6. I'll just text you the address."
Ang bastos talaga ng ugali. Napatingin ako sa hawak ko dahil tu-toot na lang ang narinig ko. Ni hindi pa man nakakabuka ang bibig ko para magsalita. Gusto kong magreklamo pero wala na ang kausap ko.
Kung kaharap ko lamang ang taong unggoy na iyon, tyak u
