"Nahihibang ka na ba, Apollo? Bakit ganoon ang sinabi mo sa Mom mo? Alam ko kung gaano kaimportante sa 'yo ang mga napamana sa 'yo ng iyong ama. Ang Cashland Company at University ang mas mahalaga sa 'yo, hindi ba? Lalo na at una pa lang naman ay gusto mo nang makuha ang iba pang ipapamana sa 'yo ng ama mo, kaya ka naghanap ng babaeng magpapanggap na mapapangasawa mo. Bakit lumilihis ka ngayon sa sarili mong plano?" naguguluhan na tanong ko kay Apollo.
Narito na kami ngayon sa kaniyang bahay. Hindi na ako nakapalag pa nang hilahin niya ako kanina paalis sa bahay ng kaniyang mga magulang. Nabablangko ang utak ko kanina habang nasa biyahe kami ni Apollo. Ni hindi ako makapagsalita habang nagmamaneho siya dahil ramdam ko ang kaniyang galit. Malamang ay galit iyon para kay Shaicy. Nang makar
