"Malala na ba ang sakit niya? Ito na nga ba ang sinasabi ko kaya pinipigilan ko siya noon sa pag-iinom niya."
Hindi ko na napigilan ang aking sarili at nasabi ko na 'yon. Kahit gaano pa kalala ang naging kasalanan niya sa akin, hindi ko pa rin matiis na hindi siya tulungan. Kahit papaano ay pinalaki nila ako at binuhay. Sila rin naman ang dahilan kung bakit ako narito ngayon sa mundo. Kung hindi dahil sa kanila, hindi sana ako nabubuhay ngayon.
"Stage three na ang liver cancer niya. Napansin ni Mama na namamayat na siya at ilang linggo nang hindi maayos ang pakiramdam niya. Kaya pina-check up na namin siya kanina sa ospital. Saka namin nalaman na may liver cancer na siya. Kapag hindi pa siya naoperahan agad ay mas lalong lalala ang cancer niyang 'yon. And it can lead to death!" naiiyak p
