"Gising."
"Gising," napakunotnoo si Megumi nang marinig ang mahinang boses na iyon. Niyuyog din ang katawan niya kaya siya nagmulat.
Malapit na mukha ng kanyang Uncle Kaito ang bumungad. "B-bakit-" tinakpan nito ang bibig niya. Pagkatapos ay hinila pababa.
Napatingin siya sa labas ng bintana. Rinig nila ang boses ng mga lalake. Inalis niya ang palad ng kanyang Uncle sa bibig niya. "Sila ba 'yon?" mahina niyang tanong.
Mula sa pagkatitig ni Kaito sa bintana ay nilinga niya ang pamangkin. "Oo, kaya kailangan na nating umalis kung ayaw mong mamatay."
Hinawakan nito ang kamay ni Megumi. Maliit ang naging pagtayo nila at walang ingay ang hakbang.
Pareho silang natigilan nang hawiin ng mag-asawa ang kurtina. Napatingin ang mga ito sa pinto nang may kumatok.
Agad na lumapit si Megumi sa d
