Pagkasara ng pinto at nawala sa paningin niya si JJ ay parang dam na bumuhos ang masaganang luha sa mga mata ni Olivia. Parang nilalapirot ang puso niya sa sakit at sinasakal sa leeg dahil hindi siya makahinga. Pakiramdam pa nga niya ay tinadyakan ng sampung kabayo ang dibdib niya dahil sa paninikip.
Pinaghandaan man niya ang magiging sagot nito ay para pa rin iyong patalim na tumarak sa puso niya. Hindi niya inaasahang ang magiging karibal niya sa puso ng asawa niya ay isa palang patay na. Paano niya maaagaw ang puso ni JJ kung naibaon na rin ang puso nito kasama ang dating kasintahan?
Kahit kasi alam niyang niloko ito ng babae ay ramdam pa rin niya na nasa puso nito ang babae. Mas lalo pang nakadagdag sa kawalang pag-asa niya ang naging sagot nito sa kanya kaninang tinanong niya ito ku
