Kunot-noong pinasadahan ng tingin ni Olivia ang sariling repleksyon sa salamin. Sa tingin kasi niya ay parang hindi bagay sa kanya ang outfit niya. Parang may kulang ngunit hindi niya alam kung ano. Isang floral dress ang suot niya at flats sandals ang pinares niya. Nakalugay rin ang medyo kulot na buhok niya. Wala siyang gagawin sa bahay nila kaya gusto niyang lumabas at iwaglit ang nangyari kagabi.
Bigla siyang nahiya sa binata na nasaksihan nito ang naging reaksyon niya kagabi. Pagkatapos niyang tumakbo para iwan ito ay bigla na lang sumiksik sa balintataw niya ang nakaraan dahilan para inataki siya ng takot. Na-trigger ng ginawa nito ang utak niya kaya dahilan para mawalan siya ng lakas. Naupo na lamang muna siya at doon siya naabutan ng binata. Sa katunayan ay ibang mukha ang nakita
